????????????????????????????????????

????????????????????????????????????

San tarde apre lansman ofisyel 32enm Festival Kreol Vandredi swar, manm piblik ti kapab apresye en pyes teat dan Sant Konferans Enternasyonal.

Sa pyes apele ‘Bal dan simityer’ ki baze lo kat nanm ki viv dan simityer ek en fiy apele Claudia ki ti komet swisid ti ganny met-an-senn par en group akter ek komedyen apele ‘Komik lokal’.

«I en pyes komik ki annan en laspe realite kot i demontre en zistwar kot paran parler i negliz zanfan e zanfan i dezobeir paran, e son bann konsekans,» direkter sa pyes Kurt Lagrenade ti dir.

Msye Lagrenade ti dir i satisfe avek lakantite dimoun ki ti vin regard sa pyes ki’n pran apepre 3 mwan edmi pour met ansanm.

«Menm si ti annan en kantite aktivite ki ti pe deroule sa zour swar e osi sa ler ki sa spektak ti konmanse, en kar lasal ti’n plen e mon byen satisfe ki dimoun in desann,» i ti dir.

Dapre Msye Lagrenade sa pyes in byen ganny akeir e apresye par manm piblik.

«Bann dimoun in dir ki zot in vreman kontan sa nouvo dimansyon e lapros pour teat e ki zot pa ti pe ekspekte ki son nivo prodiksyon ti pou alaoter. I annan menm ki’n dir zot pou revin get ankor,» i ti dir.

I ti dir ki zot anvizaze rezwe sa pyes an Novanm.

Source : Seychelles NATION