????????????????????????????????????

Tou in preski pare pour sa 32enm Festival Kreol ki son louvertir ofisyel pour fer demen 7er diswar dan car park Sant Konferans Enternasyonal (ICCS).

Yer pandan repetisyon (rehearsal) pour seremoni louvertir, direkter artistik pour seremoni louvertir ofisyel Msye Raymond Clarisse  ti dir ki menm si zot pe ganny enpe retar tou keksoz pou’n pare pour Vandredi.

“Bann preparasyon i deza pe entansifye e menm si nou’n ganny enpe retar nou pou definitivman pare pour Vandredi. Nou spektak i enn ki pou senp e pa tro long. I pou enkli ban performans tradisyonnel ensi byen ki modern, en bann ladans tou kalite zanr e i pou termin avek en sekans moutya,” i ti dir.

Nou portre i montre repetisyon enn bann morso ladans ki pou form parti seremoni louvertir demen.